Tre persona kanë mbetur të lënduar si pasoj e aksidentit mes trenit të udhëtarëve dhe një veture në Pavlan të Pejës me 2 nëntor.

Policia e Kosovës njofton se sot ka ndërruar jetë në QKUK gruaja që mbeti e lënduar nga aksidenti, përcjell Arbresh.info.

“Më datë 2 nёntor 2024 rreth orës 10:05, Policia është informuar se në fshatin Pavlan-Pejё, ka ndodhur njё aksident mes trenit tё udhëtareve dhe njё veture. Policia menjëherë ka dalë në vendngjarje, aty ёshtё kuptuar qё si pasoje e aksidentit tre (3) persona kanё pësuar lëndime tё rёnda trupore, tё njëjtit janë dërguar nё spitalin rajonal nё Pejё, pёr tretman mjekësor, nga aty njëra nga personat e lënduar pёr shkak tё natyrës sё lëndimeve ёshtё dёrguar nё QKUK-Prishtinё. Sot me datё 17.11.2024, Policia ёshtё njoftuar se e lënduara nё kёtё aksident ka ndërruar jetë, kёtё e ka konstatuar ekipi mjekësor”, thuhet në njoftim.

Me vendim tё Prokurorit tё shtetit trupi i viktimës dërgohet në institutin e mjekësisë ligjore në Prishtinë (IML), për obduksion./Arbresh.info

LEXO EDHE:

Treni godet veturën në Pavlan të Pejës, lëndohen tre persona